વિદ્યાર્થી કાર્યશાળા
ડ્રામા વર્કશોપ : વિવિધ શાળાઓમાં મુંબઈ ગુજરાતી સંગઠનના યુવા સભ્યો દ્વારા ૪ કલાકની નાટય કાર્યશાળાનું આયોજન કરવામાં આવે છે, જેમાં રંગભૂમિના વિવિધ પાસાઓની સમજણ આપી ઉદાહરણ સાથે અભિનય શીખવવામાં આવે છે.
મોટિવેશનલ વર્કશોપ : આપણી શાળાઓમાં મુંબઈ ગુજરાતી સંગઠનના કેતનસર અને અન્ય સભ્યો દ્વારા નવમા અને દસમા ધોરણના વિદ્યાર્થીઓને મોટિવેટ કરવા, તેમને સકારાત્મકતા, કાર્યક્ષમતા અડગ નિશ્ચય, પરિશ્રમ જેવા ગુણો વિકસાવવામાં આવે છે.
વાર્તાસત્ર : આપણી માતૃભાષાની શાળાઓના વિદ્યાર્થીઓમાં સર્જનાત્મક શક્તિ દ્વારા કલ્પના શક્તિ ખીલવવામાં મદદરૂપ થવા જુદા જુદા વાર્તાકારોને આમંત્રિત કરી વાર્તા સત્રનું આયોજન કરવામાં આવે છે. જેના પરિણામ સ્વરૂપ એક જ વિષય પર કોઈ એક વિદ્યાર્થીની વાર્તા પેટ ભરીને હસાવે છે, તો તે જ વિષય પર બીજા વિદ્યાર્થીની વાર્તા આંખમાં આંસુ પણ લાવે છે. આ રીતે વિદ્યાર્થીઓના મનોજગતનું સુંદર આલેખન થાય છે.
