મુંબઈ ગુજરાતી સંગઠનના સ્થાપક સભ્ય ભાવેશવભાઇ મહેતા છેલ્લાં ૮ વર્ષથી નિ:સ્વાર્થ ભાવે સેવા કરી રહ્યા છે. સરદાર વલ્લભભાઈ પટેલ વિવિધલક્ષી વિદ્યાલયમાં તેમણે દસમા ધોરણ સુધી અભ્યાસ કર્યો અને ગોલ્ડ મેડલ સાથે ઉત્તીર્ણ થયા. ભગુભાઈ પોલીટેક્નિકમાંથી મેકેનિકલ એન્જિનિયરિંગમાં ડિપ્લોમા કર્યો. કે. જે. સોમૈયામાંથી મશીન ટૂલ એન્જિનિયરિંગમાં બી.ઈ.ની ડિગ્રી મેળવી. ૪ વર્ષ નોકરીનો અનુભવ લઈ, ૨૦ વર્ષ પોતાનો વર્કશોપ ચલાવી. ૪૬ વર્ષની વયે તેઓ નિવૃત્ત થયા અને માતૃભાષાની શાળાઓના ઉત્કર્ષ અને ઉન્નતિ માટે કાર્યરત છે. તેઓ આજે સંગઠનનું અવિભાજ્ય અંગ બની ગયા છે. તેમના સખત પ્રયત્નોને કારણે સંગઠન એક પરિવાર બની ગયો છે.

શેઠ એમ. કે. હાઇસ્કૂલના ભૂતપૂર્વ વિદ્યાર્થી દેવાંગ શાહ સંગઠનના સ્થાપક સભ્ય છે. ચિનાઈ કૉલેજમાંથી બી.કોમનો અભ્યાસ પૂર્ણ કરી, તેઓ ઇક્વિટી માર્કેટના વ્યવસાયમાં જોડાયેલા છે અને રોકાણ બાબતે ઊંડું જ્ઞાન ધરાવે છે. તેઓ સ્વાધ્યાય પરિવાર સાથે પણ વર્ષોથી જોડાયેલા છે. અવનવું જાણવા સતત ઉત્સુક એવા દેવાંગ શાહનો ફાળો સંગઠનમાં અમૂલ્ય છે.

સૌરભ મેહતા વ્યવસાયે પ્રોફેસનલ એન્જિનિયર અને પ્રાદ્યાપક છે. સૌરભ મહેતા પાછલાં ૧૦ વર્ષ કરતાં વધુ સમયથી શિક્ષણ શેત્રે સંકલાયેલા છે. શિક્ષણ ક્ષેત્રમાં સંશોધન અને નવી કાર્યપદ્ધતિઓ વિકસિત કરવાનો બહોળો અનુભવ તેમ જ પેસન ધરાવે છે. મુંબઈ ગુજરાતી સંગઠન સાથે છેલ્લાં ૬ વર્ષથી વધુ સમયથી સાંકળયેલા છે.

પૂર્વીબેન ૨૦૦૫થી ૨૦૨૦ સુધી વિલે પાર્લેસ્થિત સી. એન. એમ. સ્કૂલમાં ગુજરાતી વિષયનાં શિક્ષક તરીકે કાર્યરત હતાં. એમ. એ. અને બી. એડનો અભ્યાસ પૂર્ણ કર્યા બાદથી જ તેઓ શિક્ષણ ક્ષેત્રે કાર્યરત છે. પૂર્વીબેનને અનૌપચારિક રીતે ભણાવવું વધુ ગમે છે, જેથી વિદ્યાર્થીઓનું જ્ઞાન પુસ્તક સુધી સીમિત ન રહે અને વિદ્યાર્થોને સંસ્કાર સાથે જીવન મૂલ્યો અને બીજું જ્ઞાન મળે જેથી તેઓ એક સારા વ્યક્તિ પણ બની શકે.

સુનિલ મેવાડા ભાષા સાથે જોડાયેલા વ્યક્તિ છે. ગુજરાતી સાહિત્યમાં અનુસ્નાતકનો અભ્યાસ પૂર્ણ કરી, ૧૦ વર્ષથી પત્રકારત્વ અને સાહિત્ય ક્ષેત્રમાં સક્રિય છે. તેમના ચાર પુસ્તકો પ્રકાશિત પણ પ્રકાશિત થયા છે.

શેઠ વી. કે. નાથા હાઇસ્કૂલમાં માધ્યમિક અભ્યાસ પૂર્ણ કરી, બેચલર ઓફ ઇલેક્ટ્રોનિક્સ એન્જિનિયરિંગની ડિગ્રી મેળવી તુષાર પટેલે શિક્ષણ ક્ષેત્ર પસંદ કર્યું. હાલ તુષાર એડયુક્રાફ્ટર નામથી પોતાના કલાસીસ ચલાવે છે. વિદ્યાર્થીઓ સુધી જ્ઞાન પહોંચાડવા તત્પર તુષાર સર મુંબઈ ગુજરાતીને પણ સતત સહયોગ આપે છે.

પાર્થ ભરતભાઈ લખાણી છેલ્લા ઘણા સમયથી સંગઠનના કાર્યોમાં સહકાર આપે છે. પાર્થએ સરદાર વલ્લભભાઈ પટેલ વિવિધલક્ષી વિદ્યાલય શાળામાં ધોરણ દસ સુધીનો અભ્યાસ પૂર્ણ કર્યો, સનદી સેવામાં જોડાવાની મહત્ત્વાકાંક્ષા છે તેથી કૉલેજમાં એનએસએસ સાથે સંકળાયેલ છે. કવિતા લખવાનો અને અભિનયનો શોખ ધરાવે છે. પાર્થ કૉલેજના ગુજરાતી વિભાગની પ્રવૃતિમાં પોતાનું યોગદાન આપે છેે. સદાય માતૃભાષા અને સંગઠનના કાર્યો માટે ઉત્સુક એવો તેજસ્વી મુંબઈ ગુજરાતી યુવાટીમનો અવિભાજ્ય અંગ છે.

શુભાંગ મહેતા ઘણા સમયથી સંગઠન સાથે સંકળાયેલ છે. શુભાંગે એમ. કે. ભાટિયા શાળામાં ધોરણ દસ સુધીનો અભ્યાસ પૂર્ણ કર્યો, એન્જિનિયર બનવાની મહત્ત્વાકાંક્ષા સાથે તે સાયન્સ (integrated) શાખામાં અભ્યાસ કરે છે. વાંચન સાથે ઇતર પ્રવૃત્તિ અને સેવાકાર્યોમાં રુચિ ધરાવે છે.

મીરા ચાવડા છેલ્લા બે વર્ષથી સંગઠનમાં પોતાનું યોગદાન પાઠવે છે. મીરાએ જે. ડી. ટી. શાળામાં ધોરણ દસ સુધીનો અભ્યાસ પૂર્ણ કર્યો, જેમાં તે પ્રથમ અંક સાથે ઉત્તીર્ણ થઈ. તેને કૉલેજના ગુજરાતી વિભાગની પ્રવૃત્તિમાં પણ અગ્રેસર છે અને કવિતા લખવાનો અને વાર્તાઓ વાંચવાનો શોખ છે.

ભૂમિ રાદડિયા બે વર્ષથી સંગઠન સાથે જોડાયેલ છે. ભૂમિએ જે. ડી. ટી. શાળામાં ધોરણ દસ સુધીનો અભ્યાસ પૂર્ણ કર્યો, CA બનવાની મહત્ત્વાકાંક્ષા સાથે તે વાણિજ્ય શાખામાં અભ્યાસ કરી રહી છે. ભૂમિ કૉલેજના ગુજરાતી વિભાગની પ્રવૃત્તિમાં અગ્રેસરની ભૂમિકા ભજવે છે.

કીર્તિદા લાખાણી બે વર્ષથી મુંબઈ ગુજરાતી સંગઠનના કાર્યોમાં અગ્રેસર રહી છે. સરદાર વલ્લભભાઈ પટેલ વિવિધલક્ષી વિદ્યાલયની આ વિદ્યાર્થિની સનદી સેવામાં જોડાવા માટે પ્રયત્નના પંથે છે. તે ઇતિહાસ વિષય સાથે કેલિગ્રાફીમાં રસ ધરાવે છે. કીર્તિદા સ્વાધ્યાય પરિવાર સાથે પણ સંકળાયેલી છે.

અલ્પા મહેતા ભાવેશભાઈના ધર્મપત્ની છે. અલ્પાબેન વર્ષોથી ભાવેશભાઈ અને ટીમને હંમેશા હસતા રહી સહયોગ આપતા રહ્યા છે. તેમણે એમ. એ. સુધીનો અભ્યાસ સૌરાષ્ટ્ર યુનિવર્સિટીથી પૂર્ણ કર્યો છે.

જુગલ ટાંક બે વર્ષથી સંગઠનમાં પોતાનો સમય ફાળવે છે. જુગલ‌એ માતૃછાયા શાળામાં ધોરણ દસ સુધીનો અભ્યાસ પૂર્ણ કર્યો. CA બનવાની મહત્ત્વાકાંક્ષા સાથે ગાવાનો અને રમત રમવાનો શોખ ધરાવે છે. જય કૉલેજના ગુજરાતી વિભાગની પ્રવૃતિમાં પ્રયત્નશીલ છે.

ગૌતમ રાજાણી બે વર્ષથી સંગઠનના કાર્યોમાં પ્રયત્નશીલ છે. ગૌતમે સરદાર વલ્લભભાઈ પટેલ વિવિધલક્ષી વિદ્યાલય શાળામાં ધોરણ દસ સુધીનો અભ્યાસ પૂર્ણ કર્યો. ફોટોગ્રાફી ‌અને અભિનય કરવાનો શોખ છે. તે કૉલેજના ગુજરાતી વિભાગની પ્રવૃત્તિમાં પણ અગ્રેસર છે.

દહિસર પશ્ચિમની વી.કે. નાથા શાળાનો ભૂતપૂર્વ વિદ્યાર્થી કરણ માતૃભાષાના કાર્યોમાં સતત સહભાગી થાય છે. તેને કવિતા અને લેખ લખવાનો શોખ છે. તે UPSCની પરીક્ષા પાસ કરી IPS ઓફિસર બનવા માગે છે.

મલાડ પૂર્વની જેડીટી શાળાનો ભૂતપૂર્વ વિદ્યાર્થી મયૂર ચિત્રકામનો શોખીન  છે. તેને કોડિંગમાં વિશેષ રસ છે અને તે એથિકલ હેકિંગ શીખવા ઈચ્છે છે. ઉપરાંત તે MCAનો કોર્સ કરવા માગે છે.

મલાડ પૂર્વની નવજીવન વિદ્યાલયનો ભૂતપૂર્વ વિદ્યાર્થી અમન રમત-ગમતનો શોખીન છે. તે માતૃભાષાના કાર્યો માટે સદાય તત્પર રહે છે અને સાથે ગૌસેવા પણ કરે છે. તેના આ ઉમદા કાર્યની નોંધ પ્રતિષ્ઠિત વર્તમાનપત્રોએ પણ લીધી છે. ભવિષ્યમાં તે ફાઈનાન્સમાં MBA કરવા માગે છે.